The Gwalia Singers

"Côr yn cyflawni llwyddiant triphlyg

Enillodd CANTORION GWALIA, côr meibion o Abertawe, dair buddugoliaeth yn yr Eisteddfod yn Nhregŵyr ar y penwythnos.

Y fuddugoliaeth yn y gystadleuaeth i gorau heb fod yn fwy na 40 mewn nifer yw’r ddiweddaraf yn stori llwyddiant y côr, sydd ond wedi bod yn cystadlu ers y llynedd.

Dywedodd Mr Cliff Prosser, Swyddog y Wasg y côr: "Dim ond yn ystod y flwyddyn ddiwethaf yr ydym wedi dechrau cystadlu. Rydym wedi bod yn canu ers 14 mlynedd, gan fynychu digwyddiadau elusen yn bennaf.

"Ond roeddem ni eisiau ehangu’n gorwelion a cheisio cystadleuaeth Côr y Flwyddyn Bragwyr Cymru y llynedd, gan ddod yn ail i Ddynfant."

Felly wedi 13 mlynedd cafwyd llwyddiant o’r diwedd ac maent wedi mynd o nerth i nerth ers hynny, yn fuddugol yn Eisteddfodau Pont-rhyd-y-fen a Rhymney.

Siec am £10 a chwpan arian oedd y gwobrau am eu hymdrechion yn Nhregŵyr, ond y fraint o ennill yr Eisteddfod Genedlaethol oed dy peth pwysicaf i’r côr.

"O ran bri dyma’r gorau i’w hennill," dywedodd Mr Prosser. "Does dim dwywaith amdani."

Yr eitemau a blesiodd y beirniaid cymaint oedd Dilys Wamal, wedi’i threfnu gan Eric H. Thiman, ac Arglwydd Da, cyfansoddiad o’r unfed ganrif ar bymtheg gan Thomas Luis De Victoria.

Mr Bryan Miles arweiniodd Gantorion Gwalia at fuddugoliaeth gyda Miss Beverley Sanders yn cyfeilio.

Sgoriodd Gantorion Gwalia 86 o bwyntiau, dau o flaen Côr Llandybie â Chôr Rhos, Cwmtawe, yn drydydd gydag 81 o bwyntiau."

Eleni teithiodd y côr dramor am y tro cyntaf. Cynhaliwyd yr ymweliad â Mannheim, Yr Almaen (un o drefi gefell Abertawe), gan y Facco-Chor rhwng 14 ac 20 Hydref.

Cynhaliwyd y Gyngerdd i Ddathlu Pen-blwydd y Côr yn 21 yng Nghapel Bethlehem yn Fforestfach, Abertawe, ar nos Sadwrn, 31 Hydref. Y cantorion gwadd ar gyfer y gyngerdd oedd Rebecca Evans (soprano) a Nigel Hopkins (bariton).