Croeso i wefan Cantorion Gwalia, Abertawe.  Gobeithiwn yn byddwch yn mwynhau’ch ymweliad.  Os oes gennych chi unrhyw gais neu awgrymiadau, cysylltwch â’r gwefeistr.  Peidiwch ag anghofio rhoi sylw ar y llyfr gwesteion!

Côr Meibion Cymreig a ffurfiwyd ym 1966 ydym ni.  Enillodd Cantorion Gwalia enw da yn gyflym fel côr bach a llwyddiannus ag ymdeimlad cryf o 'berthyn'.  Er bod rhai newidiadau mawr wedi bod i amgylchiadau’r côr dros y blynyddoedd, mae’r hanfodion yn dal i fod.  Rydym ni’n gôr bach o hyd, gyda thua 45 o aelodau.  Rydym ni’n parhau i ddenu aelodau o amrywiaeth o gefndiroedd ac ardaloedd, yn parhau i lwyddo mewn cystadlaethau lleol, cenedlaethol a rhyngwladol, a chredwn o hyd bod gan Gwalia dair prif flaenoriaeth mewn bywyd - ei deulu, ei waith, a’r côr (yn y drefn honno).

Ymarferion

Mae’r côr yn ymarfer bob nos Fawrth am 7.15pm yng Nghlwb Hwylio a Sub Aqua Abertawe ym Marina Abertawe (map).  Mae croeso i chi alw heibio!  Er ein bod yn canu rhai caneuon Cymraeg (yn ogystal ag ychydig ieithoedd eraill), mae’r mwyafrif yn Saesneg.  Mae croeso i bawb o bob oedran a gallu i ddod i wrando a/neu ymuno, yn enwedig os rydych yn mwynhau canu cymaint ag yr ydym ni!

Pam "Gwalia"?

Cymru yw un o’r pedwar gwald yn Nheyrnas Unedig Prydain Fawr a Gogledd Iwerddon.  Er mai tywysogaeth ydyw yn swyddogol (y dywysogaeth fwyaf yn y byd), mae ganddi’i hiaith ei hun (Cymraeg) a, ers 1955, prifddinas (Caerdydd).  Daw’r gair "Wales" o luosog yr hen air Saesneg wealh, a’i ystyr yn llythrennol yw "tramorwyr".  Mae ffurfiau Lladin o "Wales" yn cynnwys Wallia a Gwalia.

Abertawe

Credir i Abertawe gael ei sefydlu gan Frenin Llychlynnaidd Denmarc, Sweyn Forkbeard, a orchfygodd yr Eingl-Sacsoniaid ym 1013.  Mae’r enw Swansea siŵr o fod yn dod o gyfuniad o Sweyn, "Sven", a hen air Norseg am cilfach, "sey".  Yr enw Cymraeg ar y ddinas yw Abertawe sy’n golygu "aber yr afon Tawe".  Abertawe yw ail ddinas fwyaf Cymru.  Mae’n agos at arfordir hardd y Gŵyr a thua 30 milltir o Barc Cenedlaethol Bannau Brycheiniog a’r Mynydd Du.  Ar wahân i fod yn gartref Cantorion Gwalia, mae hefyd yn nodedig fel man geni Dylan Thomas a Catherine Zeta Jones.

Wyddech chi...

Un o’r caneuon mwyaf poblogaidd bob Nadolig yn UDA yw ‘Stop The Cavalry'.  Fodd bynnag, nid fersiwn Jona Lewie y gwneir cais amdano, yr un yr ydych chi fwyaf tebygol o fod yn gyfarwydd ag ef.  Mewn gwirionedd, y fersiwn a recordiwyd tua blwyddyn yn ddiweddarach gan y Cory Band gyda Chantorion Gwalia.  Mae’n ddigon posib mae hwn yw’r gân fwyaf poblogaidd erioed gan artist sydd erioed wedi cael record yn y siartiau – sengl, albwm na fel arall.

Cliciwch yma i wrando arno.  Yn anffodus does gennym ni ddim copïau ar werth, ond gellir prynu CDs ar www.silverplatters.com ac mae ar gael i’w lawrlwytho oddi ar iTunes.